दाङ, भदौ ६ । दाङको घोराहीस्थित महेन्द्र वहुमुखी क्याम्पसमा सुतलि वम बिस्पोट भएको छ । मोटरसाइकीलमा आएका दुई जना ब्यक्तिले क्याम्पसमा सुतलि वम पड्काएर भाग्नेक्रममा प्रहरीले पक्राउ गरेको थियो । जिल्ला प्रहरी कार्यालय दाङवाट पुगेको प्रहरी टोलिले उनीहरुबाट सुतलि वम जस्तो देखीने शंकास्पद बस्तु समेत फेला परेको जनाएको हो । जिल्ला प्रहरी कार्यालय दाङका निमित्त प्रहरी प्रमुख डिएसपि राम प्रसाद तिमल्सिनाले क्याम्पसमा शंकास्पद बस्तु फेला परेको र दुई जनालाई प्रहरीले नियन्त्रणमा लिएको बताए । उनका अनुसार पक्राउ पर्नेमा प्लस टु सकेका अभियान थापा र सोही क्याम्पसमा पढ्ने सुदन कार्की रहेका छन् । उनिहरु दुवै जना घोराही निवासी रहेको र पक्राउ परेका विरुद्ध घटना वारे अनुसन्धान भइरहेको प्रहरीले जनाएको छ । पक्राउ परेका दुवै जनाले रमाइलोका लागी वम पड्काएको स्विकार गरेको प्रहरीलाई वयान दिएका छन् । सुतलि वमजस्तो मानिने शंकास्पद बस्तुको डिस्पोजका लागि नेपाली सेनासंग पनि सम्पर्क भइरहेको प्रहरीले जनाएको छ।
