असार १७
राजन राज न्यौपाने
लायन्स क्लब अफ नारायणपुरमा अक्षयकोष स्थापना गरिएको छ । क्लबका निवर्तमान अध्यक्ष लिलाधर शर्मा (बिट्टु) ले स्वर्गीय पिता लालुप्रसाद उपाध्यायको स्मृतिमा एक लाख रुपैयाँको अक्षयकोष स्थापना गर्नु भएको हो ।
बिहीबार एक कार्यक्रमको आयोजना गरी शर्माले अक्षय कोशको रकम क्लबका अध्यक्ष अनिल कुमार बस्नेतलाई हस्तान्तरण गर्नु भएको हो । अक्षयकोषको रकमबाट वार्षिक रुपमा हुन आउने ब्याजलाई साविकको त्रिपुर नगरपालिका वडा नम्बर ८, ९, १०, ११ र १२ क्षेत्रभित्र पर्ने सामाजिक, शैक्षिक, खेलकुद, कला, साहित्य, संस्कृति लगायतका क्षेत्रमा उत्कृष्ट कार्य गर्ने व्यक्तिलाई सम्मान गर्ने अध्यक्ष बस्नेतले जानकारी दिनुभयो । अक्षय कोश अध्यक्ष बस्नेत र पूर्व अध्यक्ष प्रकाश डाँगीको संयुक्त हस्ताक्षरमा सञ्चालन गर्ने गरी स्वर्गद्वारी बचत तथा ऋण सहकारी संस्था नारायणपुरमा जम्मा गरिएको अध्यक्ष बस्नेतले बताए ।
साथै घोराही १० वडा सरकारले किरिया पुत्री भवन बनाउने भए अझै १ लाख भबनलाई सहयोग गर्ने लिलाधर शर्मा(बिटटृ) बताउनु हुन्छ ।
हिजो आज सामाजिक कार्यमा निरन्तर लागि राख्नु भएको छ । भने उहाँ घोराही १० को झारबैरामा व्यवसाय गर्दै आउनु भयको छ ।
