दाङ डिजिटल मिडिया प्रा.लि. र Cricket Association of Dang – CAD बिच, मेरो दाङ HD Broadcasting Partner को रुपमा रहने समझदारी भएको छ । क्यानको तर्फबाट केन्द्रिय सदस्य तथा दाङ जिल्ला अध्यक्ष प्रदीप मजगैयाँ र दाङ जिल्ला सचिब सन्जु के.सी. ले हस्ताक्षर गर्नु भयो भने मेरो दाङ HD को तर्फबाट सेयर सदस्य एवम् Media & Broadcasting विभागका सदस्यहरु जावेद अखतर, अनुप आचार्य र आभाष घिमिरेले हस्ताक्षर गर्नु भएको छ । सम्झौता बमोजिम मेरो दाङ HD ले लुम्बिनी प्रदेश कै सबै भन्दा ठुलो क्रिकेट प्रतियोगिता Dang Cricket League – DCL को Auction एवम् सम्पुर्ण खेलहरुको प्रत्यक्ष प्रसारण गर्ने छ । यसका साथै नयाँ युवाहरु Broadcasting क्षेत्रमा आएकोमा खुसी व्यक्त गर्दै क्यानका केन्द्रिय सदस्य प्रदीप मजगैयाँले, लुम्बिनी प्रदेश तथा समस्त नेपालमै क्यानले आयोजना गर्ने अन्य खेलहरुमा समेत मेरो दाङ HD सङ आउने दिनहरुमा पनि सहकार्य गर्दै अघि बढ्ने प्रतिबध्दता जनाउनु भएको छ ।
