घोराहीमा जारी ‘लुम्बिनी प्रदेशस्तरीय दाङ एक्सपो २०८० ’ मा आईतबार गायीका रचना रिमालले दर्शकहरुलाई भरपुर मनोरञ्जन दिएकि छिन । दाङ चेम्बर अफ कमर्सले आयोजना माघ २३ गतेदेखी सुरु भएको एक्सपोमा अहिलेकी चर्चित गायीका रिमालले आज प्रस्तुति राखेकी थिइन । उनका ‘उनको पिरती पहिले हो की’, ‘मिनीरल वाटर’, ‘फोटो फिरिममा लगायत’ दर्जनौ गितहरु चर्चित छन् ।
यस्तै, लोकदोहोरी गायक कृष्ण रेउले लगाएत स्थानिय कलाकारहरुले एक्सपोलाई रौनकता थपेको आयोजक संस्था दाङ चेम्बर अफ कमर्सका अध्यक्ष विकास अग्रवालले जानकारी दिए ।
‘स्वरोजगार आत्मनिर्भरता हाम्रो आधार, शहरदेखि गाउँघर सम्म व्यवसाय विस्तार ’ भन्ने मुलनाराका साथ एक्सपो सञ्चालन गरिएको हो । दर्शकलाई मनोरञ्जन गराउन प्रत्येक दिन प्रत्यक्ष लाईभ दोहोरी गीत र नृत्य प्रतियोगितासंगै सांस्कृतिक कार्यक्रममा दैनिकजसो स्थानीय कलाकारको प्रस्तुती रहने छ ।
फागुन ८ गतेसम्म चल्ने एक्सपोमा एक सय ८० स्टल रहेकोमा ५० स्टल स्थानीय व्यवसाय प्रवद्र्धनका लागि दिइएको छ । एक्सपो प्रवेशका लागि सर्वसाधारणलाई प्रतिव्यक्ति एक सय, विद्यार्थीलाई केही छुट र वृद्ध तथा शारीरिक अपांगता भएकालाई प्रवेशमा पुरै निशुल्क गरिएको दाङ चेम्बर अफ कमर्सले जनाएको छ ।
