राजन राज न्यौपाने
दाङ नारायणपुर
मंसिर ३०
दाङको घोराहीमा टिप्परले मोटरसाइकललाई ठक्कर दिदा दुई जनाको मृत्यु भएको छ। घोराही उपमहानगरपालिका १० झारबैरा चोकमा तुलसीपुरबाट घोराही जाँदै गरेको रा १ क १३०७ नम्बरको टिप्परले बिपरित दिशाबाट आउदै गरेको रा २ प ५५८९ नम्बर कोमोटरसाइकललाई ठक्कर दिएको थियो।
जिल्ला प्रहरी कार्यालय दाङका प्रबक्ता जनक मल्लका अनुसार घाइते दुबै जनाको स्वास्थ्य विज्ञान प्रतिष्ठान घोराहीमा उपचारको क्रममा मृत्यु भएको थियो। प्रहरीका अनुसार मृत्यु हुनेमा प्युठान झिम्रुक गाउँपालिका – ४ बाङ्गे बस्ने बर्ष १७ को बिशाल जिसी र प्युठान नौबहिनी गाउँपालिका – ६ लुङ बस्ने बर्ष अं – १८ को सागर केसी रहेका छन।
शुक्रबार राती १०:२० मा दुर्घटना भएको हो। टिप्पर र टिप्पर चालकलाई प्रहरीले नियन्त्रणमा लिएको छ। घटना बारे थप अनुसन्धान भैरहेको प्रहरीले बताएको छ।
