राजनराज न्यौपाने । दाङ
आज बेलुका घोराही –तुलसीपुर सडक खण्ड अन्तर्गत सौरीकुला, दाङ फन भ्याली नजिक घोराहीबाट तुलसीपुर जाँदै गरेको लु २ ख ५०८५ नम्बरको टिप्प्रले विपरीत दिशातर्फ आइरहेको बा ८५ प ५६०५ नम्बरको मोटरसाइकललाई ठक्कर दिँदा घाइते भएका ३९ वर्षीय कुलबहादुर बस्नेतकाे उपचारकाे क्रममा मृत्यु भएकाे हाे ।
बस्नेत घोराही उपमहानगरपालिका वडा नमवर ९ मछाही घर भएको र हाल घाेराही उपमहानगरपालिका वडा नम्बर १५ मा बसाेबास गरी व्यवसाय गर्दै आएका थिए ।
घाइते बस्नेतको उपचारको क्रममा ८:४५ बजेतिर घोराहीको राप्ती स्वास्थ्य विज्ञान प्रतिष्ठानमा मृत्यु भएको हो ।
