दाङ, २९ फागुन ।
दाङमा प्रहरीले लागुऔषध ब्राउन सुगर र नाईट्राभेट ट्याब्लेटसहित चार जनालाई नियन्त्रणमा लिएको छ । वडा प्रहरी कार्यालय लमहीले फागुन २७, २९ गते दुई दिनमा लागु औषध ब्राउन सुगर र ट्याब्लेटसहित चार जनालाई नियन्त्रणमा लिएर कानुनी कारबाही अघि बढाएको प्रहरी निरिक्षक शंकर श्रेष्ठले जानकारी दिए ।
लमही नगरपालिका–५ लमही बजारबाट वडा नम्बर ३ वनगाउँ निवासी ३० वर्षीय प्रकाश वली र लमही नगरपालिका वडा नम्बर ५ निवासी ५२ वर्षीय यमबहादुर बस्नेतलाई नाईट्राभेट सहित पक्राउ गरेको छ । वलीको साथबाट १२ ट्याब्लेस र बस्नेतको घरमा रहेको १३५ नाईट्राभेट र ८ फाईलमा ६४ वटा क्याप्सुल फेला परेको प्रहरीले जनाएको छ । अनुसन्धानका लागी अदालतबाट ७ दिनको म्याद थप भएको छ ।
यसैगरी लमही बसपार्कबाट दुई जना युवालाई समेत प्रहरीले लागुऔषध ब्राउन सुगरसहित नियन्त्रणमा लिइएको छ ।
तुलसीपुर उपमहानगरपालिका–६ सुन्दरनगर निवासी १९ वर्षीय अरुण गाईन र सोही ठाउँ निवासी २२ वर्षीय सुदिप विकलाई प्रहरीले नियन्त्रणमा लिएको छ ।
गाईनको साथबाट ४ ग्राम १३० मिलिग्राम र विकको साथबाट २ ग्राम ५२० मिलि ग्राम ब्राउनसुगर जस्तो खैरो रंगको डल्लो फेला परेको प्रहरीले जनाएको छ । पक्राउ परेका व्यक्तिहरुका विरुद्ध लागुऔषध सम्वन्धि मुद्धा दर्ता गरेर अनुसन्धान भइरहेको प्रहरीले जनाएको छ ।
