दाङ – लमही नगर विकास समितिले बसपार्कमा रहेका टहरा हटाएको छ । दुर्घटनाको उच्च जोखिम रहेको, बजार कुरुप बनाएको, र अव्यवस्थित रुपमा रहेको भन्दै ति टहरा हटाइएको लमही नगर विकस समितिका अध्यक्ष जोगराज चौधरीले जानकारी दिनु भयो ।
नगर विकास समितिले ती टहरा हटाएर सहयोग गरि दिन पटकपटक सूचना जारी गर्दा पनि अटेरी गरेपछि आज नगर विकास समितिले हटाएको हो ।
सशस्त्र प्रहरी, नेपाल प्रहरी, लमही नगर प्रहरीको सहयोगमा टहरा हटाइएको हो । टहरामा बसेर व्यवसायी गर्दै गरेका व्यापारीहरु नजिकै रहेको कृकेट स्टेडियमको प्याराफिटका सटरमा सरेका छन ।
नगर विकास समितिले लमही बसपार्क संचालन गर्न दिएका ठेकेदारलाई सरसफाइ शुल्क बाफत मासिक एक हजार रुपैया तिर्दै आएका थिए । नगर विकासको जग्गा अतिक्रमण गर्दै घर टहरा निर्माण गरि स्थान किनबेच समेत गरेको खुलेको छ ।
टहरा निर्माण गरि बसेका व्यापारीलाई ठाउँ उपलब्ध गराउने व्यक्तिले मासिक १ हजार देखि ३ हजार सम्म भाडा अशुल्ने गरेको एक व्यापारीले बताए । बसपार्क संचालक ठेकेदारले शौचालय र बसपार्क प्रवेश शुल्क एक लाख ९५ हजार मासिक भाडा बुझाउदै आएको नगर विकास समितिका सूचना अधिकारी हरिकृष्ण खनालले जानकारी दिनु भयो ।
लमही नगर विकास समितिका अध्यक्ष जोगराज चौधरी, लमही नगरपालिका उपाध्यक्ष लक्ष्मी योगी, वडा नम्बर १ का वडा अध्यक्ष तथा नगर विकास समितिका सदस्य दामोदर पौडेल, वडा नम्बर ३ का वडा अध्यक्ष मनोज कुमार चौधरी, ५ का वडा अध्यक्ष ओम प्रसाद सुवेदी लगायतको उपस्थिति रहेको थियो ।
