घोराही । लुम्बिनी प्रदेशस्तरीय दाङ एक्स्पो -२०८० दाङमै पहिलो पटक डिजिटलमार्फत प्रदर्शन हुने भएको छ ।
दाङ चेम्बर अफ कमर्शको आयोजना तथा घोराही उपमहानगरपालिका दाङको संरक्षणमा यही माघ २३ गतेदेखि फागुन ८ गतेसम्म सञ्चालन हुने उक्त एक्सपोको डिजिटलमार्फत प्रदर्शन हुने भएको हो ।
`स्वरोजगार आत्मनिर्भरता हाम्रो आधार, सहरदेखि गाउँसम्म व्यवसाय विस्तार´ भन्ने मूल उद्देश्यकासाथ हुन लागेको प्रदेशस्तरीय एक्सपो जिल्लामै पहिलो पटक डिजिटलमार्फत प्रदर्शन गर्न लागिएको दाङ चेम्बर अफ कमर्शका अध्यक्ष विकाश अग्रवालले जानकारी दिनुभयो । उहाँले महोत्सवलाई डिजिटलमार्फत प्रदर्शन गर्नका लागि ४ वटा एल्डी स्किन र स्लाइड मार्फत महोत्सवको लाइभ कार्यक्रम देखाइने जानकारी दिनुभयो ।
महोत्सवको ४ ठाउँमा १/१ वटा एल्डी स्क्रिन राखेर गरिने डिजिटल प्रदर्शनले महोत्सव हेर्ने दर्शकहरूलाई सहज हुनेछ ।
महोत्सव सुरु हुन अब ६ दिन बाँकी रहेको छ ।
