सिद्धार्थ गौतम नगर टोल विकास संस्था हस्पिटल रोड घोराहीले आफ्नो २६ औँ स्थापना दिवसका अबसरमा व्यापार व्यवसाय प्रबद्र्धनका लागि तीन दिने साँस्कृतिक कार्यक्रमको आयोजना गरेको छ । ट्राफिक चोकबाट मुख्य बजार प्रबेश गर्ने द्धारमा रहेको उक्त टोलले स्थापना दिवसका अबसरमा साँस्कृतिक कार्यक्रमको आयोजना गरेको हो ।
संस्थाका अध्यक्ष चित्रकान्त आचार्यको अध्यक्षता एंव घोराही उपमहानगरपालिकाका प्रमुख नरुलाल चौधरीको प्रमुख आतिथ्यता, उपप्रमुख हुमाकुमारी डिसी र वडा नम्बर १४ का अध्यक्ष भानसिं बुढाको विशिष्ठ आतिथ्यतामा कार्यक्रमको उद्घाटन गरिएको हो । कार्यक्रममा जेष्ठ नागरिक र टोल सरसफाईमा उत्कृष्ठ काम गर्ने व्यवसायीहरुलाई सम्मान गरिएको छ । कार्यक्रममा नगर प्रमुख चौधरीले सिद्धार्थ गौतम नगर टोलले विभिन्न सृजनशिल कामहरु गर्दै आएको भन्दै सरकारलाई सहयोग पुग्ने काममा हातेमालो गर्नु र सघाउनु टोल विकास संस्थाहरुको काम भएको बताउनुभयो । नगरले बालमैत्री नगर घोषणा, छाडा पशुचौपाया मुक्त नगर घोषणा, अनाथ बालबालिकाको आबास र पढाईमा सुनिश्चितता, मानसिक सन्तुलन गुमाएका र बेसहारा भएर सडकमा आएकाको उद्धार, उपचार र पुनस्र्थापना गर्न सफल भएको बताउनुभयो । बजार क्षेत्रको सडकलाई बलियो पिच, सुन्दर सडक र फोहोरलाई गल्ने र नगल्ने छुट्टयाउने काममा नगरले योजनाहरु ल्याएको र त्यसमा टोल विकास संस्थाहरुले सहयोग गर्नुपर्नेमा जोड दिनुभयो ।
साथै उहाँले व्यवसायलाई चलायमान बनाउन रात्रीकालिन व्यवसाय सञ्चालनको अबधारण आबस्यक भएको बताउनुभयो । कार्यक्रममा नगर उपप्रमुख हुमाकुमारी डिसीले व्यवसाय प्रबद्र्धन र व्यवसायी सुरक्षाका लागि स्थानीय सरकार प्रतिबद्ध रहेको बताउनुभयो । साथै उहाँले बजार क्षेत्रमा पनि आम नागरिकहरु अझै आफ्नो स्वास्थ्य प्रति जिम्मेवार बन्न नसकेको भन्दै बिषेश गरी पाठेघरको मुखको क्यान्सर जाँचमा ध्यान दिन आग्रह गर्नुभयो । कार्यक्रममा कलाकारहरु भूमिका गिरी, प्रेम शर्मा लगाएतका कलाकारहरुले आ आफ्नो प्रस्तुती राख्नुभएको थियो । उक्त टोल विकास संस्था बजार क्षेत्रमा पर्ने भएकाले यहाँको व्यवसाय प्रबद्र्धन र चलायमान बनाउन विभिन्न अबसरमा विभिन्न गतिबिधीहरु गर्दै आएको छ ।
