दाङ, ६ मंसिर ।
दाङमा जबरजस्ती करणीको आरोपमा एक जना पक्राउ परेका छन् । २२ वर्षीया महिलालाई जबरजस्ती करणी गरेको आरोपमा घोराही उपमहानगरपालिका १५ का ३१ वर्षीय सुवास पुलामीलाई प्रहरीले पक्राउ गरेको हो ।
महिलाई विवाह गर्छु भनी ललाई फकाई जबरजस्ती करणी गरेको भन्ने उजुरीको आधारमा ईलाका प्रहरी कार्यालय भालुवाङबाट खटिएको प्रहरीले पुलामीलाई पक्राउ गरेको हो ।
पुलामीलाई सोमबार साँझ पक्राउ गरेको जिल्ला प्रहरी कार्यालय दाङले जनाएको छ । घटना बारे थप अनुसन्धान भइरहेको प्रहरीले जनाएको छ ।
